C.C. NOVAGALICIA

Teatro

INFORMACIÓN:

NOME COMPLETO: Centro Cultural NOVAGALICIA

LOCALIZACIÓN: Policarpo Sanz, 13 // Teléfonos: + 34 986 120 078 / + 34 986 828 200

CAPACIDADE: 994 persoas

ESCENARIO: 12 x 10 metros

RIDER TÉCNICO: según rider

HOTEL: traballamos con hoteis próximos

PARKING: só carga e descarga

WIFI: sí

BACKSTAGE: sí

MEMORIA: eventos pasados

2008: Young Marble Giants

2009: Konono No. 1; Kings of Convenience + Javiera Mena

2010: Lisa Germano + Philip Selway (Radiohead)

2011: Joanna Newsom; José González

CENTRO CULTURAL NOVAGALICIA: o centro

A finais do século XIX, un grupo de vigueses entusiastas acometeu a empresa de construír un teatro na cidade de Vigo. Anos despois, o 15 de xullo de 1900, inaugurouse o teatro Rosalía de Castro coa execución da ópera Aída.

Tras unha época de fracaso económico o teatro crebou e foi vendido para o seu uso como almacén. O pobo pediulle ao benfeitor D. José García Barbón que recuperase o teatro e así o fixo, até que o 8 de febreiro de 1910 un incendio destruíu por completo o teatro. As sobriñas de J. García Barbón, seguindo o seu nobre exemplo, prometeron un teatro novo e máis suntuoso que o desaparecido.

Deste xeito, en 1913 comezaba a construción do novo teatro baixo o proxecto do arquitecto Antonio Palacios. A súa arquitectura amosa fondas influencias modernistas, á vez que combina elementos clasicistas e barrocos. O seu estilo cualifícase de neobarroco dentro da corrente modernista de comezos do século XX e está inspirado na Ópera Garnier de París.

O Centro Cultural

VIGO: a cidade

Dende o seu nacemento, a vida da cidade de Vigo desenvolveuse arredor das actividades mercantís vinculadas ao mar e ao seu porto, punto de partida e de retorno para miles de galegos e portugueses que tiveron que emigrar a América Latina. O seu despegue como metrópole produciuse ao longo dos últimos cen anos, nos que rexistrou o maior desenvolvemento económico, industrial e demográfico do noroeste peninsular, ata converterse nun dos portos pesqueiros máis importantes da Unión Europea e na cidade máis poboada de Galicia, con preto de 300.000 habitantes.

A cidade de Vigo, pertencente á provincia de Pontevedra e situada nun enclave privilexiado á beira do Océano Atlántico, dá nome á máis meridional das Rías Baixas. A súa orixe pesqueira aínda se aprecia nas rúas do casco vello, que contrasta coas modernas instalacións dos seus portos deportivos, os peiraos de transatlánticos e as industrias pesqueiras e conserveiras. Equidistante entre Santiago de Compostela e a cidade portuguesa de O Porto, Vigo é un excelente punto de partida para visitas e rutas por Galicia e Portugal, ademais do seu ámbito máis próximo, que inclúe os arredores da Ría e as Illas Cíes, integradas no Parque Nacional das Illas Atlánticas.